Regija
KOMENTAR DARKA ŠUKOVIĆA: "Postavljanje Nermina Abdića za nosioca liste u Glavnom gradu već je bilo lijepa pobjeda građanske svijesti"
02. Okt. 20240
Nisu došli tiho i neće ući u legendu.
Regija
05. Jun. 2023
1
Piše: Darko ŠUKOVIĆ (Antena M)
Kao novo čitanje Frenka Laramija i Vilijama Marka. U kojem po Divljem Zapadnom Balkanu jezde i od mafije ga čiste Aleksa Bečić i Dritan Abazović. Naše replike američkih heroja borbe protiv kriminala i korupcije u fazi prvobitne akumulacije kapitala po zakonima jačega. Mirko i Slavko podsjećali bi previše na istinski antifašizam i pravu Jugoslaviju. Zato je legendarni tandem Vajat Erp - Dok (Džon Henri) Holidej bolje, iako tek ugrubo, poslužio kao motiv za modeliranje predizborne kampanje koalicije „Hrabro se broji“.
Uz malo mašte tu je i njihov drug, grmalj iz Teksasa Luk Šort, pardon – Filip Adžić. Lista kandidata za „loše momke“: Klantonove, Mek Lorijeve, Flanagane i ostale dugačka je i možete se igrati analogija do mile volje. Samo imajte u vidu da Indijanac Čarli mora(!) biti Crnogorac – jer je domorodac sklon pljačkanju javnih resursa.
Zašto kažem da su dvije ikone „vesterna“ poslužile kao gruba skica za najblesaviju predizbornu kampanju ikad. Ni najmanje zbog toga što Larami i Mark opisuju Erpa i Holideja kao momčine od preko šest i po stopa, za glavu, dakle, više od dvojice predstavnika „postgalofak“ generacije. Niti stoga što Aleksa i Dritan ne raspolažu ni „ledenoplavim“ (Dok), ni „čeličnosivim“ (Vajat) očima. Pred kojima neprijatelji vladavine prava stoje mirno. Bezmalo srećni što postaju društveno koristan „štrik“ u Poglavlju 23 i 24, a ne stanovnici „brda čizama“ (morbidno duhovit naziv za groblje na potezu od Misisipija do Pacifika).
Drastično odstupanje od originala najočiglednije je u potpunom škartiranju najčuvenijeg Laramijevog slogana iz opusa o Doku Holideju: „došao je tiho i ušao u legendu“ (mada ni Vajat nije bio pričalica, naprotiv; bilo je to, kažu „najćutljivije prijateljstvo na Divljem zapadu“). Ali, moralo je tako. Zamislite na šta bi ličili nastupi čovjeka iz Ulcinja i čovjeka iz Zete da ih stavite na „mute“. Ni po pola čovjeka, a mase u stanju (još veće) konfuzije.
Zubar iz Džordžije, koga je tuberkuloza poćerala da na suvom vazduhu Divljeg zapada produži život, napuštao je zadimljene kockarnice samo kada je sa svoja dva „linkolna“ trebalo da čuva leđa drugu Vajatu. Sa „čovjekom iz Misurija“ razumijevao se, rekoh - bez riječi, pogled je bio dovoljan, a kad se nema vremena, kao u polumitnom raspištoljavanju kod „O.K. korala“ odigrali bi savršen „no look“ pas, nakon kojega je protivnik ostajao licem u prašini. Dok bi junaci vremena zlog otpuhnuli dim sa cijevi koltova, zavrćeli ih oko kažiprsta i vratili u futrole. Do prve naredne prilike... Bila je to efektnija demonstracija sile nego eskort od 25 limuzina.
Ehhh, ta divna vremena kada su heroji barem u stripovima i filmovima djelovali moguće. A danas? Danas nas „brat Abaz“ i njegov brat Aleksa uvredljivo po intelekt uvjeravaju kako se junački, sami samcijati, prsimice izlažu brojnijem, oružano i finansijski nadmoćnijem neprijatelju. Čine to napucani adrenalinom, navodno, patriotskog porijekla, paralisanih čula za rizik, lični strah i partikularne interese. Esencija vrline, skoro tri godine mukotrpno cijeđena kao tečnost iz „saguaro“ kaktusa, u pustari Sonora kroz koju su, ne bilo im teško, Vajat i Dok toliko puta jahali suvijeh usta i prazne čuture (ne želeći da svoje konje opterećuju bidonima), opredmetila se u nosicima liste „Hrabro se broji“.
I eto nas, gotovo nehotice, kod još jedne drastične razlike u zašećerenim životopisima dva tandema. Dok i Vajat jahali su u Tombston kao ispomoć najstarijem Erpu, tamošnjem šerifu Virdžilu, kojega su o jadu zabavili Ajk Klanton i njegova banda. Američke su institucije tada bile nalik crnogorskim danas, pa se, osim od bližnjega svoga, pomoć nije mogla očekivati sa druge adrese. A danas, u svijetu kudikamo praktičnijem i principima neopterećenom, najbliži srodnik ti može biti najsigurniji na najneočekivanijoj adresi.
Ima, međutim i neočekivanih podudarnosti između ovoga što gledamo danas i onoga što je, kobajagi, bilo juče. Ni Vajat Erp, ni Dritan Abazović nijesu se držali principa podjele vlasti kao pijani plota. Uz to, zubar, kockar i revolveraš Dok Holidej nije imao nikakvih institucionalnih ovlasti da pomaže Erpovoj „ruci pravde“. Koja je, u Vajatovom kao i u Dritanovom razumijevanju pravosudnih procedura, podrazumijevala simbiozu prava na sprovođenje istražnih radnji, gonjenje osumnjičenih, izricanje presude i, često, egzekuciju. S pretposljednjom rečenicom u vezi, ni predsjednik stranke Aleksa Bečić nema ingerencija u borbi protiv mafije više nego bilo koji pravde ištući građanin Crne Gore, koji nije zaposlen u pravosuđu i policiji. Barem dok se Skupština ponovo ne konstituiše. A je li glasan, jeste.
Kao što je Vajat tokom zavođenja reda u Dodž Sitiju progledao kroz prste Holideju, tako su Bečić i Abazović zažmurili na onu dvojicu „škaljaraca“ koji su došli da ih ličnim prisustvom promociji na Cetinju, ohrabre da istraju u borbi protiv njima (dvojici) sličnih? Ali, zar nije to samo potvrda koliko je, prostorno i vremenski, univerzalna sentenca druga Denga: „nije važno koje je mačka boje, važno je da lovi miševe“?
Osim ako bi se pokazalo da mačka i miš igraju u istom dresu! Djeluje apsurdno, ali malo li je na „tik-toku“ pasa i mačaka koji žive u savršenoj slozi i akcionom jedinstvu. Zašto je, onda, nezamisliva inkluzija miševa u takvo društvo? Zar nije lakše, u svijetu ljudi, prevazići šporke riječi kojima su Aleksa i Dritan gađali jedan drugoga, ciljajući tačno u obraz? Optužujući se međusobno za veze sa klano(vi)m(a)!
Jednina se čini adekvatnijom?
I šta ako se, na kraju ispostavi kako je kompletan predizborni scenario pisan s ciljem, baš kako to govore presretnuti razgovori na „Sky“ aplikaciji, da se obećana borba protiv mafije pretvori u vraćanje dugova klanu?
Baš kao što se pokazalo da su Frenk Larami i Vilijam Mark zapravo jedna osoba – Albreht Peter Kan. S tim što ovaj Njemac nije bio u konfliktu interesa i svojim je petparačkim pisanjem zabavljao milione ljudi diljem planete. A, ako se ovaj naš slučaj završi po predviđenom scenariju, o jadu bi se mogla zabaviti država. Tj. ovo što je od nje ostalo.
Što nas dovodi do ključne razlike: u stripovima o Erpu i Holideju pravda je redovno pobjeđivala; ostvari li se scenario sa Bečićem i Abazovićem kao braničima Crne Gore od mafije - ne gine joj/nam tužan kraj.
Regija
KOMENTAR DARKA ŠUKOVIĆA: "Postavljanje Nermina Abdića za nosioca liste u Glavnom gradu već je bilo lijepa pobjeda građanske svijesti"
02. Okt. 20240
Društvo
KOMENTAR DARKA ŠUKOVIĆA: Bošnjaci, bilo da su iz Crne Gore ili BiH, jednako su na "meniju" Srpskog sveta kao što su bili na "jelovniku" Velike Srbije...
23. Jul. 20240
Mini market
KOMENTAR DARKA ŠUKOVIĆA: “Ključni motiv za obračun sa Đukanovićem imaju srpske i ruske agenture u Crnoj Gori. Prvi, zbog ‘grijeha nezavisnosti’, a drugi…”
30. Maj 20240
Regija
KOMENTAR DARKA ŠUKOVIĆA: "Ništa jasnije nije dočaralo dubinu moralnog sunovrata današnje Crne Gore od slike 'privatnog' susreta Dodika i Mandića"
28. Feb. 20240
Društvo
OGLASIO SE KABINET EPISKOPA: Vladika Grigorije je jutros operisan!
Prije 13 min0
Hronika
TEŠKA SAOBRAĆAJNA NESREĆA: Sudar vozila i mopeda, maloljetni vozač prevezen u bolnicu
Prije 24 min0
Društvo
UNIVERZITETSKI PROFESOR SEAD TURČALO: "Izlazak iz Dejtonskog sporazuma već se dogodio!"
Prije 32 min0
Svijet
ANALIZA VLADE VURUŠIĆA: Pregovori u Istanbulu o prekidu rata u Ukrajini su obična farsa, evo i zašto...
Prije 41 min0
Regija
HITNO SAOPĆENJE: Studenti u blokadi otkrili naredne korake, loše vijesti za Vučićev režim...
15. Maj 20250
Regija
PO GRUPAMA SE ŠIRE SNIMKE ZASTRAŠUJUĆEG DERNEKA: "Osjeti se smrad i preko videa"
15. Maj 20250
Regija
FOTOGRAFIJA IZ TIRANE GOVORI VIŠE OD HILJADU RIJEČI: I Evropa i Rusija poslale Vučića u ćošak
Prije 8h0
Regija
SMIJE JOJ SE CIJELA REGIJA: Ana Brnabić tvrdi da se školovala u Americi, pogledajte kako priča na engleskom...
14. Maj 20250
trenutak ...
Komentari - Ukupno 1
NAPOMENA: Komentari odražavaju stavove njihovih autora, a ne nužno i stavove redakcije Slobodna Bosna. Molimo korisnike da se suzdrže od vrijeđanja, psovanja i vulgarnog izražavanja. Redakcija zadržava pravo da obriše komentar bez najave i objašnjenja. Zbog velikog broja komentara redakcija nije dužna obrisati sve komentare koji krše pravila. Kao čitalac također prihvatate mogućnost da među komentarima mogu biti pronađeni sadržaji koji mogu biti u suprotnosti sa vašim vjerskim, moralnim i drugim načelima i uvjerenjima.